Posto

  • PËR MIRATIMIN E STRUKTURËS DHE TË NIVELEVE TË PAGAVE TË PUNONJËSVE TË POLICISË SË BURGJEVE


    Data e hyrjes ne fuqi: 07/01/2011


    Propozuar nga: Këshilli i Ministrave


    Data e miratimit: 07/08/2010


    Statusi i ligjit: Ne fuqi


    Data e ligjit: 07/08/2010


    Numri i fletores zyrtare: 185


    Data e fletores zyrtare: 01/24/2011


    Fushat e veprimit te aktit: Pagë


    Faqja e fletores zyrtare: 10284


    Numri i ligjit: 1061



    VENDIM
    Nr.1061, datë 8.7.2010
    PËR MIRATIMIN E STRUKTURËS DHE TË NIVELEVE TË PAGAVE TË PUNONJËSVE TË POLICISË SË BURGJEVE


    Në mbështetje të nenit 100 të Kushtetutës, të nenit 5/1 të ligjit nr.8487, datë 13.5.1999 “Për kompetencat për caktimin e pagave të punës”, të ndryshuar, të ligjit nr.10 032, datë 11.12.2008 “Për Policinë e Burgjeve” dhe të ligjit nr. 10 190, datë 26.11.2009 “Për buxhetin e vitit 2010”, të ndryshuar, me propozimin e Ministrit të Brendshëm dhe të Ministrit të Financave, Këshilli i Ministrave


    VENDOSI:
    1. Struktura dhe nivelet e pagave për punonjësit e Policisë së Burgjeve janë sipas lidhjes nr.1, “Struktura dhe nivelet e pagave për punonjësit e Policisë së Burgjeve”, që i bashkëlidhet këtij vendimi dhe është pjesë përbërëse e tij.
    2. Paga bazë mujore për gradë (kolona 3) e lidhjes nr.1, është niveli i pagës së punonjësit, në përputhje me gradën që ka fituar.
    3. Shtesa për natyrë të veçantë pune dhe shërbimi (kolonat 4, 5 e 6) të lidhjes nr.1, jepet sipas funksioneve të përcaktuara në këtë lidhje.
    4. Punonjësi i Policisë së Burgjeve me grada, për kohën e qëndrimit në gradë, përfiton shtesë për vjetërsi në punë, në masën 1 për qind, pas çdo viti pune. Masa e shtesës për vjetërsi në punë të jetë deri në nivelin e pagës bazë të gradës pasardhëse.
    Përllogaritja e shtesës për vjetërsi në punë të fillojë në çastin e marrjes së gradës së re, sipas ligjit nr.10 032, datë 11.12.2008 “Për Policinë e Burgjeve”.
    5. Vendimi nr.366, datë 14.6.2006 i Këshillit të Ministrave “Për pagat e punonjësve të Policisë së Burgjeve”, të ndryshuar, shfuqizohet.
    6. Efektet financiare, që rrjedhin nga zbatimi i këtij vendimi, për vitin 2010, do të përballohen nga fondet e parashikuara në buxhetin e vitit 2010, për Policinë e Burgjeve.
    7. Ngarkohen Ministria e Drejtësisë dhe Ministria e Financave për zbatimin e këtij vendimi.


    Ky vendim hyn në fuqi pas botimit në Fletoren Zyrtare dhe i shtrin efektet financiare nga data 1
    korrik 2010.
    KRYEMINISTRI
    Sali Berisha

    LIDHJA NR.1
    STRUKTURA DHE NIVELET E PAGAVE PËR PUNONJËSIT E POLICISË SË BURGJEVE
    Roli Grada
    Paga bazë
    për gradë
    Shtesa për natyrë të veçantë pune e shërbimi
    Në funksion të policisë së
    regjimeve të jashtme, në
    institucionet e ekzekutimit
    të vendimeve penale
    Në funksion të policisë së regjimeve të
    brendshme dhe transferim-shoqërimet në
    institucionet e ekzekutimit të vendimeve
    penale
    Në funksion të policisë
    në Drejtorinë e
    Përgjithshme të
    Burgjeve
    1 2 3 4 5 6
    Bazë Nëninspektor 34000 4000 8000
    Inspektor 38000 4000 8000
    Kryeinspektor 43000 4000 8000 2000
    I mesëm Nënkomisar 52500 4000 8000 2000
    Komisar 57000 4000 8000 2000
    Kryekomisar 80000 4000 8000 2000
    I lartë Drejtues 92000 6500
    Drejtues i I-rë 95000 10000



    Share:



    Postuar nga: khoxha

    Data: 29/01/2011

    ikub#: 1101290134

    Shfleto artikuj te tjere per:

Versioni i plote | Publicitet | Kontakt

©2014 ikub.al